پشاور: پشاور زلمی اور زلمی فانڈیشن کے زیرِ اہتمام زلمی ویمن کرکٹ لیگ سیزن ٹو کا کامیاب اختتام ہو گیا۔ جہاں ہزارہ کی ٹیم نے شاندار کارکردگی کا مظاہرہ کرتے ہوئے فائنل میں پشاور آل اسٹارز کو سات وکٹوں سے شکست دے دی ۔ سپورٹس کمپلیکس پشاور میں کھیلے گئے فائنل میں پشاور آل اسٹارز نے پہلے بیٹنگ کرتے ہوئے مقررہ اوورز میں تین وکٹوں کے نقصان پر59 رنز بنائے۔ جواب میں ہزارہ کی ٹیم نے مطلوبہ ہدف صرف تین وکٹوں کے نقصان پر آسانی سے حاصل کر لیا۔
ہزارہ کی جیت میں ماہ نور قیوم نے اہم کردار ادا کیا جنہوں نے 28 رنز کی میچ وننگ اننگز کھیلی۔اور اپنی ٹیم کو کامیابی سے ہمکنارکیا۔ گزشتہ سال کی کامیابی کے بعد اس بار بھی لیگ خواتین کرکٹ کے فروغ میں اہم کردار ادا کر رہی ہے۔ ایڈیشن خواب سے حقیقت تک کے وژن کے تحت نوجوان خواتین کھلاڑیوں کو آگے بڑھنے کے بہترین مواقع فراہم کیے جارہے ہیں، جبکہ حکومتِ خیبر پختونخوا، یو این ویمن، ہائر ایجوکیشن ڈیپارٹمنٹ اور ڈی جی اسپورٹس کا تعاون اس اقدام کو مزید مضبوط بنا رہا ہے۔ یہ اشتراک خواتین کو بااختیار بنانے اور نوجوان کھلاڑیوں کو پیشہ ورانہ کھیلوں میں آگے بڑھنے کے مواقع فراہم کرنے کے مشترکہ عزم کی عکاسی کرتا ہے۔ فائنل میچ کے موقع پر متعدد اہم شخصیات موجود تھیں جن میں زلمی سپر اسٹار محمد حارث، پاکستان ٹیسٹ اسٹار ساجد خان، ڈپٹی کنٹری representative یو این ویمن Jacqui Ketunuti، کنٹری representative یو این ایف پی اے Dr. Luay Shabaneh، سیکرٹری اسپورٹس تاشفین، سیکرٹری ایجوکیشن کامران آفریدی، یو این پاکستان کے نمائندگان اور پشاور زلمی کے چیف آپریٹنگ آفیسر میاں عباس لائق شامل تھے۔
About the Author
