پشاور (سپورٹس رپورٹر) آر ایم آئی میڈیا کرکٹ لیگ میں پی پی سی شاہین اور پی پی سی سٹارز نے کوارٹر فائنل میں جگہ بنا لی جبکہ پینتھرز اور فائٹرز کی ٹیموں نے بھی اپنے اپنے میچز میں شاندار کامیابیاں حاصل کیں۔ گزشتہ روز جمخانہ کرکٹ گراؤنڈ پشاور میں تین مقابلے کھیلے گئے۔پہلے میچ میں پی پی سی پینتھرز نے سلطان کو دس وکٹوں سے باآسانی شکست دے دی۔ سلطان نے پہلے بیٹنگ کرتے ہوئے مقررہ اوورز میں تین وکٹوں کے نقصان پر 48 رنز اسکور کیے۔ جواب میں پینتھرز نے صرف تین اوورز میں ہدف بغیر کسی نقصان کے حاصل کر لیا۔
عباس نے 28 رنز کی شاندار اننگز کھیل کر مین آف دی میچ کا اعزاز اپنے نام کیا۔دوسرا میچ پی پی سی ڈولفن اور پی پی سی فائٹرز کے درمیان کھیلا گیا۔ ڈولفن نے پہلے کھیلتے ہوئے مقررہ اوورز میں تین وکٹوں پر 93 رنز بنائے، جن میں طیب عثمان اور لطیف نے 22،22 رنز کے ساتھ نمایاں بیٹنگ کی۔ جواب میں فائٹرز نے ہدف آٹھویں اوور میں حاصل کر لیا۔ کاشان بہترین کارکردگی پر مین آف دی میچ قرار پائے۔اسی روز آخری میچ پی پی سی سٹارز اور پی پی سی قلندرز کے مابین ہوا جس میں سٹارز نے 25 رنز سے کامیابی حاصل کی۔ سٹارز نے پہلے بیٹنگ کرتے ہوئے 119 رنز اسکور کیے، جبکہ قلندرز کی ٹیم مقررہ اوورز میں 94 رنز تک محدود رہی۔ بلاول میچ کے بہترین کھلاڑی منتخب ہوئے۔
About the Author
