پشاور (سپورٹس رپورٹر) گورنمنٹ گرلز مڈل سکول گل باچا جی میں جاری سپورٹس گالا 2025 ء کے سلسلے میں بیڈمنٹن ڈبلز کے دلچسپ اور سنسنی خیز مقابلوں کا اختتام شاندار انداز میں ہوا۔ طالبات نے شاندار کھیل، ٹیم ورک اور عمدہ کھیل کی مہارتوں کا مظاہرہ کیا جسے حاضرین نے خوب سراہا۔مقابلوں کے نتائج کے مطابق پہلی پوزیشن GGMSکریم پورہ دوسری پوزیشن GGMS ہزار خوانی تیسری پوزیشن GGMS زریاب کالونی تقریب کے مہمانِ خصوصی ثروت منیر، جنرل سیکرٹری بزمِ ادب و سپورٹس تھیں جنہوں نے جیتنے والی ٹیموں میں انعامات تقسیم کیے اور طالبات کے جوش و جذبے کو سراہا۔ اس موقع پر ہیڈ مسٹریس ارم عبرین نے اپنے خطاب میں کہا کہ کھیل نہ صرف جسمانی صحت کے لیے ضروری ہیں بلکہ یہ نظم و ضبط، ٹیم ورک اور اعتماد پیدا کرنے کا بہترین ذریعہ بھی ہیں۔انہوں نے مزید کہا کہ گورنمنٹ گرلز مڈل سکول گل باچا جی میں کھیلوں کے فروغ کے لیے بزمِ ادب و سپورٹس کمیٹی کی خدمات قابلِ تحسین ہیں۔ ثروت منیر نے کہا کہ اس طرح کے ایونٹس طلبہ و طالبات میں مثبت رجحانات کو فروغ دیتے ہیں اور مستقبل کے چیمپئن تیار کرنے میں مددگار ثابت ہوتے ہیں۔ اختتامی تقریب میں اساتذہ، طالبات اور والدین کی بڑی تعداد نے شرکت کی۔ تقریب خوشگوار اور پرجوش ماحول میں اختتام پذیر ہوئی جبکہ بیڈمنٹن کے فاتح کھلاڑیوں نے اپنے شاندار کھیل کے ذریعے سب کے دل جیت لیے۔
About the Author
