پشاور (سپورٹس رپورٹر) کراچی میں منعقد ہونے والے نیشنل گیمز کی تیاری کیلئے بیڈمنٹن ٹریننگ کیمپ قیوم سپورٹس کمپلیکس پشاور میں بھرپور انداز سے جاری ہے۔ ڈی جی سپورٹس تاشفین حیدر نے کیمپ کا دورہ کیا اور کھلاڑیوں سے ملاقات کی۔ اس موقع پر چیف کوچ شفت اللہ، ریجنل سپورٹس آفیسر، صوبائی بیڈمنٹن سیکرٹری صداقت شاہ، بیڈمنٹن کوچ ندیم خان، حیات اللہ، فیمیل کوچ بشری سمیت دیگر اہم شخصیات بھی موجود تھیں۔ ٹیم میں مراد علی، عمر جہانگیر، دانیال شہزاد، عبدالحسیب، عزیر خان اور محمد زید شامل ہیں جبکہ خواتین کھلاڑیوں میں حلیمہ، سپنا اکبر، مروہ جدون، لائبہ اور نور ٹیم کا حصہ ہیں۔ نیشنل گیمز میں مراد علی اپنے ٹائٹل کا دفاع کریں گے۔ ٹیم چار دسمبر کو کراچی روانہ ہوگی۔ کھلاڑیوں کو خیبرپختونخوا بیڈمنٹن ایسوسی ایشن کی جانب سے مکمل سپورٹ حاصل ہے۔
About the Author
