پشاور(ہمایون خان سپورٹس/کلچر رپورٹر) پاکستان لیکروس فیڈریشن کی درخواست پر جاپانی کوچ مسٹر ماساہیرو موری اسلام آباد میں ہونے والے تربیت کیمپ میں پاکستان لیکروس اتھلیٹس کو تربیت دیں گے تربیتی پروگرام میں 20 مرد اور 20 خواتین کھلاڑی حصہ لیں گے۔ پاکستان لیکروس فیڈریشن کے سی ای او انجینئر طیفور زرین کا کہنا ہے کہ یہ اقدام پاکستان لیکروس ٹیم کی ایشیائی لیکروس گیمز کی تیاری کے سلسلے میں اٹھایا گیا ہے۔
انہوں نے فیڈریشن کی وساطت سے مسٹر موری کو خوش آمدید کہا اور ان کی مہارت کو پاکستان کے کھلاڑیوں کے لئے بے حد مفید قرار دیا جبکہ ورلڈ لیکروس اور ایشیا پیسفک لیکروس یونین کو خراج تحسین پیش کیا ہے جنہوں نے ایک تجربہ کار کوچ کو پاکستان بھیجنے میں اہم کردار ادا کیا ہے۔
About the Author
