پشاور(سپورٹس رپورٹر)ڈائریکٹر سپورٹس پشاور یونیورسٹی بحرکرم خان نے اپنے عہدے کا چارج سنبھال لیا اس سے قبل وہ ڈائریکٹر ورکس کے عہدے پر کام کررہے تھے, مس چمن گل ڈائریکٹر سپورٹس (ویمنز ) پشاور یونیورسٹی کے عہدے پر کام کررہی ہیں, ڈائریکٹر سپورٹس پشاور یونیورسٹی بحرکرم خان نے میڈیا سے بات چیت کرتے ہوئے کہا کہ کئی دہائیوں سے کھیلوں کے میدان میں زندگی گزاری ہے اور آخری سانس تک کھیلوں کے فروغ و ترقی کے لئے کام کرتا رہوں گا انہوں نے کہا کہ پشاور یونیورسٹی میں کھیلوں کے فروغ و ترقی کے لئے شبانہ روز کام کررہے ہیں زیادہ سے زیادہ مقابلوں کا انعقاد کیا جارہا ہے اور اس سلسلے میں وائس چانسلر پشاور یونیورسٹی پروفیسر ڈاکٹر جوہر علی کا بھرپور تعاون حاصل ہے اور امید ہے کہ ان کی سرپرستی میں پشاور یونیورسٹی سے مزید اچھے انٹرنیشنل کھلاڑی سامنے آئیں گے جو پوری دنیا میں ملک و قوم کا نام روشن کریںگے۔
About the Author
