صحافیوں کے لئےسپورٹس ایونٹس کا انعقاد قابل تحسین ہے،مینا خان افریدی
ہمایون خان
پشاور: صوبائی وزیر بلدیات مینا خان آفریدی نے کہا ہے کہ صحافی برادری کی زندگی عمومی طور پر نہایت کٹھن ہوتی ہے جن حالات میں وہ کام کرتے ہیں ا ±ن میں صحافت کرنا کسی جہاد سے کم نہیں انہوں نے کہا کہ صحافیوں کے میگا ایونٹس کا انعقاد قابل تحسین ہے ایسی سرگرمیاں ہر تین چار ماہ بعد ہونی چاہئیں تاکہ جرنلسٹس کو ریفریشمنٹ کے زیادہ سے زیادہ مواقع میسر آئیں صوبائی وزیر نے یقین دلایا کہ صوبائی حکومت آئندہ بھی ایسے مثبت اور صحت مندانہ سرگرمیوں کے لئے اپنا تعاون جاری رکھے گی
ان خیالات کا اظہار انہوں نے آر ایم آئی میڈیا کرکٹ لیگ کے دوسرے سیمی فائنل کے موقع پر بطور مہمان خصوصی خطاب کرتے ہوئے کیا اس موقع پر ڈی جی سٹی میٹرو پولیٹن قادر نصیر، صدر پشاور پریس کلب ایم ریاض، سیکرٹری طیب عثمان، سینئر صحافی شمیم شاہد، سیکرٹری کے ایچ یو جے ارشاد علی اور چیئرمین سپورٹس کمیٹی عرفان موسیٰ زی سمیت کثیر تعداد میں صحافی موجود تھے۔ میچ کے تفصیلات کے مطابق جمخانہ کرکٹ گراو ¿نڈ میں کھیلے گئے دوسرے سیمی فائنل میں پی پی سی مارخور نے شاندار کارکردگی دکھاتے ہوئے پی پی سی اسٹارز کو 80 رنز سے شکست دے کر فائنل میں جگہ بنا لی مارخور نے پہلے بیٹنگ کرتے ہوئے مقررہ اوورز میں دو وکٹوں کے نقصان پر 156 رنز اسکور کیے جن میں یاسر علی کی 96 رنز کی شاندار اننگز نمایاں رہی، جبکہ ارشد یوسفزئی نے 27 رنز بنائے۔ اسٹارز کی جانب سے حسن نے ایک وکٹ حاصل کی، ہدف کے تعاقب میں پی پی سی اسٹارز کی ٹیم مارخور کے باو ¿لرز کے سامنے جم نہ سکی اور مقررہ اوورز میں 8 وکٹوں کے نقصان پر 74 رنز ہی بنا سکی مارخور کی جانب سے قاری گل رحمان نے بہترین باو ¿لنگ کا مظاہرہ کرتے ہوئے 3 کھلاڑی آو ¿ٹ کیے، جبکہ شہزاد رشید نے 2، اور رضوان، ارشد اور عابد نے ایک ایک وکٹ حاصل کی، شاندار بیٹنگ پر یاسر علی کو میچ کا بہترین کھلاڑی قرار دیا گیا۔
About the Author
