چترال: اس مقابلہ جاتی پروگرام میں ڈپٹی کمشنر اپر چترال جناب محمد عمران خان نے بطور مہمان خصوصی شرکت کی۔ پروگرام میں اسسٹنٹ کمشنر ہیڈکوارٹر احسان افریدی ، جنرل منیجر آغاخان ایجوکیشن سروس برائے چترال و گلگت بریگیڈیر ریٹائر خوش محمد خان، پریذیڈنٹ اسماعیلی کونسل اپر چترال اور دیگر معززین نے شرکت کی۔
پروگرام میں تلاوت، نعت خوانی، حمد و ثناء، کوئز مقابلے، خاکہ اور تقریری مقابلے منعقد ہوئے۔ اس مقابلہ جاتی پروگرام میں اپر چترال کےآغاخان سکولوں کے سینکٹروں طالب علموں نے حصہ لئے۔ اس تدریسی مقابلے میں طالب علموں نے بڑھ چڑھ کر حصہ لئے اور اپنے پرفارمینس سے ناظرین کو محظوظ کئے۔
ڈپٹی کمشنر اپر چترال نے اپنے خطاب میں آغاخان ایجوکیشن سروس پاکستان، اپر چترال کے ار،ایس،ڈی،یو لیول کے جملہ منتظمین کو اس طرح کے بہترین اور مفید طرز کے مقابلہ جاتی پروگرام منعقد کرنے پر ان کے کردار کو سراہا اور آئندہ بھی اس طرح کے پروگرامات کو جاری رکھنے کے عزم کا اظہار کیا۔ ڈپٹی کمشنر نے کہا کہ آغاخان ایجوکیشن سروس پاکستان اپر چترال میں تعلیم کو عام کرنے اور معیاری تعلیم فراہم کرنے میں کلیدی کردار ادا کررہا ہے۔
یہ آغاخان ایجوکیشن سروس اور ان کے منتظمین کا مرہون منت ہے کہ انہون نے اپنے معیاری تعلیم کے زریعے اپر چترال کے لئے ڈاکٹرز، انجنئرز، بیوروکریٹس وغیرہ پیدا کئے۔انہون نے کہا کہ اس طرح کے پروگرامات کے انعقاد میں ضلعی انتظامیہ اپر چترال کی بھرپور حمایت اور تعاون جاری رہے گی۔ ڈپٹی کمشنر اپر چترال نے ایک مرتبہ پھر آغاخان ایجوکیشن سروس کے جنرل منیجر سے لیکر جملہ منتظمین کو زبردست خراجِ تحسین پیش کیا آخر میں مہمان خصوصی نے مقابلے میں بہتریں پرفارمینس دیکھانے والے طالب علموں میں انعامات اور سرٹفکیٹ تقسیم کیا۔
About the Author
