کھیل نہ صرف جسمانی نشوونما کا ذریعہ ہیں بلکہ یہ طالبات میں خوداعتمادی اور قیادت کی صلاحیتیں بھی پیدا کرتے ہیں، پرنسپل ڈاکٹر شاہین عمر
پشاور(سپورٹس رپورٹر)گورنمنٹ فرنٹیئر کالج فار ویمن پشاور میں ڈی ایچ اے انٹر زونل کیش پرائز تقسیم کرنے کی ایک پروقار تقریب منعقد ہوئی جس میں نمایاں کارکردگی دکھانے والی طالبات کو نقد انعامات سے نوازا گیا۔ اس موقع پر کالج کی پرنسپل ڈاکٹر شاہین عمر نے شریک طالبات کی حوصلہ افزائی کرتے ہوئے کہا کہ یہ انعامات نہ صرف طالبات کی محنت کا اعتراف ہیں بلکہ ان کے لیے مستقبل میں مزید کامیابیوں کی جانب پہلا قدم بھی ہیں۔تقریب میں ڈائریکٹر سپورٹس فرنٹیئر کالج برائے خواتین گل سنوبر اخلاص بھی موجود تھیں۔ انہوں نے انٹر زونل مقابلوں میں کالج کی شاندار کارکردگی پر طالبات اور کوچز کو مبارکباد دیتے ہوئے کہا کہ کھیل نہ صرف جسمانی نشوونما کا ذریعہ ہیں بلکہ یہ طالبات میں خوداعتمادی اور قیادت کی صلاحیتیں بھی پیدا کرتے ہیں۔ تقریب کے اختتام پر بہترین کارکردگی پر طالبات میں کیش پرائزز تقسیم کیے گئے جبکہ ادارے کی جانب سے انہیں آئندہ مقابلوں میں مزید محنت اور جانفشانی کے ساتھ حصہ لینے کی تلقین کی گئی۔
About the Author
