کلچر رپورٹر
اسلام آباد: حکومت خیبرپختونخوا کے تعاون اور خیبرپختونخوا کلچراینڈٹورازم اتھارٹی کے زیراہتمام تریچ میر چوٹی سر کرنے کی اختتامی تقریب کا انعقاد کیا گیا۔ اس موقع پر تریچ میر سر کرنے والے کوہ پیماں، بیس کیمپ تک ٹریکنگ کرنے والے ٹریکرز اور سیاحت سے منسلک دیگر سٹیک ہولڈرز نے شرکت کی۔ تقریب اسلام آباد کے نجی ہوٹل میں منعقد ہوئی
جس میں پاکستان میں تعینات نیپال کی سفیر ایچ ای محترمہ رتہ دھیتال (H.E Ms Rita Dhital)،اعزازی کونسلر جنرل تونیشیا عماد رشید، ڈائریکٹر جنرل خیبرپختونخوا کلچر اینڈ ٹورازم اتھارٹی حبیب اللہ عارف، ڈائریکٹر ٹورازم اتھارٹی عمر ارشد خان، ڈائریکٹر ٹورازم اتھارٹی محمد علی سید اور دیگر اہم شخصیات موجود تھیں۔
ڈی جی ٹورازم اتھارٹی حبیب اللہ عارف کا کہنا تھا کہ تریچ میر چوٹی کو پہلی مرتبہ پاکستانی کوہ پیماں نے سر کیا جو کسی اعزاز سے کم نہیں ہے۔
اس سمٹ سے مستقبل میں چترال سمیت خیبرپختونخوا میں غیر ملکی کوہ پیما پاکستان کا رخ کرینگے۔ سمٹ کیساتھ ساتھ 70 ٹریکرز نے تریچ میر بیس کیمپ تک ٹریکنگ بھی کی۔ اس موقع پر نیپال کی سفیر نے تریچ میر سمٹ کرنے والے کوہ پیما کے مجسمے کی رونمائی کی۔
About the Author
