اسلام آباد: مرغزار کرکٹ گراؤنڈ اسلام آباد میں ایبٹ آباد نے اسلام آباد کے خلاف پہلی اننگز میں 5 وکٹوں پر 375 رنز بنائے تھے۔یاسرخان نے 22 چوکوں اور3 چھکوں کی مدد سے 173 رنز سکور کیے اور آؤٹ نہیں ہوئے۔احمد خان نے55 رنز بنائے۔
عمران خان کرکٹ سٹیڈیم پشاور میں فاٹا کی ٹیم کراچی بلوز کے خلاف پہلی اننگز میں 312 رنز بناکر آؤٹ ہوگئی ۔ محمد فاروق نے 75 اور محمد سرور نے 54رنز بنائے۔ثاقب خان ۔ محمد اصغر اور مشتاق احمد کلہوڑو نے تین تین وکٹیں حاصل کیں۔ کراچی بلوز نے جواب میں ایک گیند کھیل کر کوئی رن نہیں بنایا تھا۔
ڈائمنڈ کرکٹ گراؤنڈ اسلام آباد میں سیالکوٹ کی ٹیم لاہور وائٹس کے خلاف پہلی اننگز میں 222 رنز بناکر آؤٹ ہوگئی۔ محسن ریاض نے 76 اور ایاز تصور نے 52 رنز سکور کیے۔ حسیب الرحمن نے 47 رنز دے کر 4 وکٹیں حاصل کیں۔ لاہور وائٹس نے کھیل ختم ہونے پر 2 وکٹوں پر 38 رنز بنائے تھے۔ ایبٹ آباد سٹیڈیم میں فیصل آباد کی ٹیم ملتان کے خلاف پہلی اننگز میں 212 رنز بناکر آؤٹ ہوگئی۔علی شان نے 95 رنز سکور کیے۔
عامر یامین نے 37 رنز دے کر 6 وکٹیں حاصل کیں۔
ملتان نے کھیل ختم ہونے پر ایک وکٹ کے نقصان پر 85 رنز بنائے تھے۔وقارحسین36 اور زین عباس28 رنز پر ناٹ آؤٹ تھے۔ شعیب اختر کرکٹ سٹیڈیم راولپنڈی میں بہاولپور کی ٹیم پشاور کے خلاف پہلی اننگز میں 131 رنز بناکر آؤٹ ہوگئی۔مبصرخان 48 رنز کے ساتھ ناٹ آؤٹ رہے۔سفیان مقیم ۔ نیاز خان اور عامر خان نے تین تین وکٹیں حاصل کیں۔ پشاور نے کھیل ختم ہونے پر 5 وکٹوں پر 125 رنز بنائے تھے۔عمران رندھاوا نے 41 رنز دے کر4 وکٹیں حاصل کیں۔
About the Author
