پشاور(سپورٹس رپورٹر)نیشنل مینز انڈر 19 ون ڈے کپ میں حیات آباد اسٹیڈیم میں آزاد جموں کشمیر اور اسلام آباد کا میچ کھیلا گیا۔جو اسلام آباد نے پانچ وکٹ سے جیت لیا۔اشفاق کرکٹ گراونڈ چارسدہ میں کھیلے گئے دوسرے میچ میں فاٹا اور کراچی وائٹ کی ٹیمیں مدمقابل تھی۔کراچی کی ٹیم نے پہلے بیٹنگ کی اور مقررہ پچاس اوورز میں 8وکٹ کے نقصان پر 263رنز بنائے۔حزیفہ احسان نے 86اور محمد آزان نے 77رنز بنائے۔دونوں کے درمیان چوتھ وکٹ کی شراکت میں 145رنز کا اضافہ ہوا۔سجاد احمد نے 42رنز کی اننگز کھیلی۔فاٹا کی طرف سے محمد طاہر نے پچھلے میچ کی طرح اس میچ میں بھی پانچ کھلاڑیوں کو آوٹ کیا۔انہوں نے 32رنز دئیے۔تیمور علی کے حصے میں دو وکٹ آئی۔جواب میں فاٹا کی جانب سے پاکستان انڈر 19کی نمائندگی کرنے والے عثمان خان اور جیاد نے اننگز کا آغاز کیا اور دونوں نے پہلی وکٹ کی شراکت میں 70کی رفاقت قائم کی۔اس سکور پر جیاد 21رنز بناکر شفیق کی گیند پر ایل بی ڈبلیو ہوگئے۔اس کے بعد عثمان خان نے اپنی بہترین بیٹنگ جاری رکھی اور اپنی نصف سنچری مکمل کی۔اور محمد عباس آفریدی کے ساتھ دوسری وکٹ کی شراکت میں سو رنز کی پاٹنرشپ بھی مکمل کی۔ لیکناس دوران عثمان خان صرف چار رنز سے اپنی سنچری مکمل نہ کرسکے اور 96رنز پر عمر کی گیند پر احمد کے ہاتھوں کیچ آوٹ ہوئے۔انکی اننگز میں 9چوکے اور چار چھکے شامل تھے۔اس کے بعد عباس آفریدی اور حارث شاہ کے درمیان 67رنزکی شراکت نیجیت کی راہ ہموار کرلی۔عباس آفریدی 59اور حارث شاہ 40رنز پر ناٹآوٹ رہے۔ماجد حسین اور دلشاد علی نے میچ کو سپر وائز کیا جبکہ محمد جنید نے سکورر کے فرائض نبھائے۔
حیات آباد میں کھیلے گئے میچ میں آزاد جموں کشمیر کی ٹیم نے پہلے بیٹنگ کی اور 143رنز پر پوری ٹیم آوٹ ہوگئی۔اوپنر بلال وحید نے 37،عزیر نوید نے 30اور زین جمیل نے 27رنز سکور کئے۔اسلام آباد کے محمد فیصل اور منیب نے تین تین کھلاڑیوں کو آوٹ کیا۔جواب میں اسلام آباد نے مطلوبہ ہدف پانچ وکٹ کے نقصان پر پورا کرلیا۔مین آف دی میچ محمد عبداللہ ملک نے شاندار 83رنز بنائے اور ناٹ آوٹ رہے۔انکی اننگز میں سات چوکے اور چار چھکے شامل تھے۔آزاد کشمیر کے سفیان نے دو جبکہ ابوبکر ،سیفاللہ اور حنین رشید نے ایک ایک وکٹ حاصل کی۔عبدالکریم اور کریم عادل نے امپائرنگ اور ندیم اختر نے سکورر کے فرائض سرانجام دئیے۔
About the Author
