ہمایون خان
پشاور: وزیر اعلیٰ خیبرپختونخوا علی امین خان گنڈاپورنے انٹر نیشنل سطح پر اچیومنٹس کے اعتراف میں کھلاڑیوں کو ایوارڈ سے نوازا خیبرپختونخوا سے تعلق رکھنے والے سپورٹس کے موجودہ ہیروز جنھوں نے مختلف کھیلوں میں شاندار کارکردگی کا مظاہرہ کرکے ملک اور صوبے کا نام روشن کیا ہے کے اعزاز میں اپنی نوعیت کی پہلی منعقد ہونے والی خیبر پختونخوا سپورٹس ہیروز ایوارڈز کی پر وقار تقریب گذشتہ روز کے روز نشتر ہال پشاور میں منعقد ہوئی۔
اس موقع پروزیراعلیٰ خیبر پختونخوا علی امین گنڈاپور نے مختلف کھیلوں میں اول پوزیشن لینے والے کھلاڑیوں میں ماہانہ وظائف کے چیکس بھی تقسیم کیے۔ اس دوران وزیراعلیٰ نے اپنے خطاب میںکہا یہ کھلاڑی ہماری پہچان اور ہمارا فخر ہیں۔ باصلاحیت نوجوانوں کو مواقع فراہم کرنا ہماری ذمہ داری ہے۔انہوں نے نوجوانوں سے مخاطب ہوتے ہوئے کہا کہ کھیل انسان میں مقابلے کا جذبہ پیدا کرتے ہیںاور ہار جیت کھیل کا حصہ ہوتا ہے کھلاڑی یا جیت جاتا ہے یا سیکھ جاتا ہے۔وزیراعلیٰ نے کے ہمراہ خیبر پختونخوا کے وزیر کھیل و آمور نوجوانان سید فخر جہان کے علاوہ صوبائی وزراء میجر ریٹائرڈ سجاد بارکوال، پختونیار خان، پارلیمانی سیکریٹری برائے کھیل و آمور نوجوانان اجمل خان ، ایڈیشنل سیکریٹری کھیل و آمور و نوجوانان پیر عبداللہ شاہ، ڈائریکٹر جنرل سپورٹس تاشفین حیدر، محکمہ کھیل کے دیگر اعلی افسران، کھلاڑیوں، انکے اہل خانہ، منتظمین، کوچز اور مختلف مکاتب فکر سے تعلق رکھنے والے لوگوں نے شرکت کی۔
تقریب میں صوبائی وزیر کھیل اور امور نوجوانان سید فخر جہان نے بھی اپنے خیالات کا اظہار کرتے ہوئے کہا کہ اس اہم ایونٹ کا مقصد صوبے سے تعلق رکھنے والے موجودہ لیجنڈ کھلاڑی جنھوں نے بہترین کارکردگی کا مظاہرہ کیاہے انھیں ایوارڈ فراہم کرکے انکی حوصلہ افزائی کرنی ہے ۔صوبائی وزیر نے کہا کہ ہم وزیر اعلیٰ خیبرپختونخوا کی ہدایات کے مطابق یہاں کے ٹیلنٹ کو ضائع نہیں ہونے دیں گے اور انکی بھر پور حوصلہ افزائی کریں گے تاکہ وہ اپنے اہل خزانہ پر بوجھ بھی نہ بنے اور وہ کھیل کے ساتھ پڑھ بھی سکیں۔صوبائی وزیر نے کہا کہ ایک سال میں صوبے کے ہونہار اور باصلاحیت کھلاڑیوں میں 12کروڑ سے زائد کے نقد انعامات فراہم کئے گئے ہیں جو بلکل میرٹ اور بلا کسی سفارش کے بنیاد پر دیئے جاتے ہیں۔ ہم ان گیمز میں یہاں پر ہونے والے مقابلوں کے اخراجات اٹھانے کیلئے بھی تیار ہیں اور کھیلوں کے ایسوسی ایشنز بھی ہمارے ساتھ رہیں گے۔
انھوں نے کہا کہ ہم عمران کے ویژن اور وزیر اعلیٰ خیبرپختونخوا علیٰ امین خان گنڈاپور کی قیادت میں کھیلوں کے فروغ و سہولیات کیلئے ہر ممکن قدم اٹھا رہے ہیں۔ تقریب میں حالیہ عالمی مقابلے میں انڈر 16والی بال چیمپئن شپ جیتنے والی قومی ٹیم میں حصہ لینے والے صوبے کے کھلاڑیوں کو سوینئر بھی پیش کئے گئے۔ اسی طرح گذشتہ دنوں کے پی انڈر21گیمز کے میڈل ونرزاور قائداعظم گیمز کے میڈل ونرز کو ماہانہ سکالر شپس کے چیک دئیے بھی دئیے گئے ایوارڈز جیتنے والے کھلاڑیوں میں والی بال میں ایمل خان اور عذرا فاروق آرچری میں اسرار الحق سکواش میں نور زمان محمد حمزہ خان ناصر اقبال اور ماہ نور علی کراٹے میں باز محمدٹینس میں حمزہ رومان بیڈمنٹن میں مراد علی ہاکی میں صفیان خان اور افراز حکیم ریسلنگ میں عنایت اللہ کبڈی میں عثمان احمدایتھلیٹکس میں تمیم خان نیزہ بازی میں وجاہت اللہ خان اور فری سٹائل پولو میں سکندر الملک شامل تھے۔
سپورٹس ہیروز ایوارڈز کے انعقاد کا مقصد خیبر پختونخوا کے کھلاڑیوں کی حوصلہ افزائی کرنا ہے۔ ان کھلاڑیوں نے ملک اور بیرون ملک مختلف کھیلوں میں اپنی صلاحیتوں کا مظاہرہ کر کے صوبے کا نام روشن کیا ہے۔
www.sportslinehd.com
About the Author
