خواتین سکواش ٹیم فائنل میں پہنچ گئی جوڈو میں سلور،تائیکوانڈو ،ایتھلیٹکس اور ٹیبل ٹینس میں براونز میڈل جیت لئے
ہمایون خان
پشاور: ویں نیشنل گیمز میں خیبر پختونخوا دو گولڈ، تین سلور اور12 براونز میڈلز جیت کر مجموعی طور پر17 میڈلز کے صوبوں میں سب سے پہلے نمبر موجود ہے گزشتہ روز پی ایس بی کوچنگ سنٹر کراچی میں خواتین سکواش ٹیم نے شاندار کارکردگی دکھاتے ہوئے پنجاب کو تین۔صفر سے شکست دے کر ٹیم ایونٹ کے فائنل میں جگہ بنا لی۔ سیمی فائنل میں کے پی کی سحرش علی نے پنجاب کی فرح نور کو 0-3 سے جبکہ ماہ نور علی نے پنجاب کی رشنا کو بھی 0-3 سے شکست دے کر ٹیم کو فائنل میں پہنچایا۔ فائنل پاکستان آرمی کے خلاف کھیلا جائے گا۔ دوسری جانب جوڈو مقابلوں میں بھی خیبر پختونخوا کے کھلاڑی نمایاں رہے۔ صوبے کے جوڈو پلیئرز نے عمدہ کارکردگی کا مظاہرہ کرتے ہوئے ایک سلور اور دو براو نز میڈلز اپنے نام کر لیے۔ خیبرپختونخوا دستے کے چیف ڈی مشن تاشفین حیدر ، ڈپٹی چیف ڈی مشن رحمت گل آفریدی ،ڈپٹی چیف ڈی مشن فیمیل سفینہ بابر ، فنانس سیکرٹری شاہ فیصل، آفیشلز منیر عباس، کاشف فرحان، امجد خان بھی کھلاڑیوں کے حوصلہ افزائی کیلئے مختلف وینیوز پر موجود رہے ایتھلیٹکس میں بھی خیبر پختونخوا نے میڈل جیتا۔ 3000 میٹر اسٹیپل چیز ایونٹ میں کے پی کے خبیب نے بہترین پرفارمنس کے ساتھ کانسی کا تمغہ حاصل کیا جو اس ایونٹ میں صوبے کا پہلا میڈل ہے۔ 35 ویں نیشنل گیمز میں ہینڈ بال کے میدان میں خیبرپختونخوا کی مردوں اور خواتین کی ٹیموں نے شاندار کھیل پیش کرتے ہوئے اپنے اپنے میچز جیت لیے۔ مردوں کی ٹیم نے گلگت بلتستان کو یکطرفہ مقابلے میں 8-23 سے شکست دے کر پہلی کامیابی حاصل کی۔ جبکہ خواتین کی ٹیم نے بھی گلگت بلتستان کو مات دے کر سبقت برقرار رکھی۔ دوسری جانب ٹیبل ٹینس کے ٹیم ایونٹ کے سیمی فائنل میں سنسنی خیز اور سخت مقابلہ دیکھنے کو ملا جہاں واپڈا نے خیبرپختونخوا کو شکست دے کر فائنل میں رسائی حاصل کرلی۔ شاندار لڑائی کے باوجود کے پی ٹیم فائنل تک نہیں پہنچ سکی تاہم ایونٹ میں عمدہ کارکردگی کی بنیاد پر خیبرپختونخوا نے براو نز میڈل اپنے نام کرلیا۔ ٹینس مقابلوں میں بھی خیبر پختونخوا کے کھلاڑیوں کا فاتحانہ آغاز رہا۔ کے پی کے برکت اللہ نے مینز سنگلز مقابلے میں ایچ ای سی کے حاشر کو 0-2 سے جبکہ ثاقب نے گلزار کو شکست دے کر کوارٹر فائنل میں جگہ بنالی۔ رسہ کشی ایونٹ میں بھی خیبر پختونخوا نے کامیابی حاصل کی۔ پاکستان نیشنل کوچنگ و ٹریننگ سینٹر کراچی میں منعقدہ مقابلوں کے پہلے روز واپڈا نے پنجاب، ریلوے نے نیوی، خیبر پختونخوا نے میزبان سندھ اور پولیس نے بلوچستان کو 0-2 سے شکست دے کر سیمی فائنل میں رسائی حاصل کرلی۔ نیشنل گیمز میں مختلف ایونٹس میں خیبرپختونخوا کی ٹیموں کی شاندار کارکردگی کا سلسلہ جاری ہے اور کھلاڑی میڈلز کی دوڑ میں مضبوط پوزیشن برقرار رکھے ہوئے ہیں۔ خیبر پختونخوا کے کھلاڑی میڈلز کی دوڑ کے لیے کوشاں تایکوانڈو پومسے کیٹیگری میں سات کانسی کے تمغے حاصل کیے۔ اوور فری سٹایل میں صلاح الدین ,زکی الحسن ,عدنان سلطان,عمامہ گل اور عماری کھو کھر نے مکس ٹیم میں کانسی کا تمغہ جیتا۔اسی طرح مکس pair میں عدنان سلطان ,سیدہ اور وریشہ شاہ نے کانسی کا تمغہ حاصل کیا۔مکس pair انڈر 30 میں زکی الحسن اور کاینات لطیف نے کامیابی حاصل کرکے براونز میڈل جیت لیا۔ خواتین انڈر30میں عایشہ اور کاینات لطیف نے کانسی کا تمغہ اپنے نام کیا۔انڈر30خواتین انفرادی کیٹیگری میں کاینات لطیف نے براونز میڈل جیتا۔جبکہ اسی کیٹیگری کے مردوں کے مقابلے میں خیبر پختونخوا کے زکی الحسن نے ایک اور کانسی کا تمغہ اپنے نام کیا۔مردوں کے انڈر30میں زکی الحسن اور زین رضا نے کامیابی حاصل کی۔
About the Author
