سپورٹس رپورٹر
پشاور: زلمی ویمن کرکٹ لیگ کے ایک سنسنی خیز اور انوکھے مقابلے میں ڈیرہ اسماعیل خان کی ٹیم نے آخری گیند پر9 رنز حاصل کر کے کرکٹ کے میدان میں ایک تاریخ رقم کر دی۔ حیات آباد سپورٹس کمپلیکس میں جاری زلمی ویمن لیگ کے میچ میں کامیابی کے لیے ڈی آئی خان کی ٹیم کو آخری گیند پر ناممکن ہدف درکار تھا۔ پشاور کی باولر نے اس اہم ترین موقع پر نو بال پھینک دی جس پر بیٹسمین نے چوکا لگا دیا ۔ اس ایک گیند نے چار رنز کے ساتھ ساتھ فری ہٹ کا موقع بھی فراہم کر دیا۔دباو کا شکار پشاور کی ٹیم کی باولر نے دوسری بال وائیڈ کر دی جس سے مخالف ٹیم کو ایک اور رنز مل گیا اسی طرح آخری گیند پر 3 رنز رہ گیے جس پر ڈی آئی خان کی بلے باز نے تین رنز بنا لیے اور یوں مجموعی طور پر آخری ایک گیند پر 9 رنز حاصل کر کے ٹیم کو ایک ناقابلِ یقین فتح سے ہمکنار کر دیا۔ زلمی ویمن کرکٹ لیگ کے دلچسپ میچز حیات آباد اسپورٹس کمپلیکس میں کامیابی سے جاری ہیں جس کا فائنل مقابلہ بروز پیر30-11-2025 کو کھیلا جائے گا۔ یہ غیر معمولی میچ کرکٹ کے شائقین کے ذہنوں میں ایک عرصے تک تازہ رہے گا۔
About the Author
