پشاور(سپورٹس رپورٹر) ڈائریکٹوریٹ آف سپورٹس پشاور یونیورسٹی کے زیر اہتمام اور ہائر ایجوکیشن کمیشن کے تعاون سے انٹر یونیورسٹی ویمنز ہینڈ بال چیمپئن شپ یونیورسٹی آف پنجاب نے جیت لی فائنل میں لاہور کالج فار ویمن یونیورسٹی کو 18-8 سکور سے شکست, مہمان خصوصی ڈائریکٹر سپورٹس پشاور یونیورسٹی بحرکرم نے فاتح کھلاڑیوں میں انعامات تقسیم کئے ان کے ہمراہ جناح کالج برائے خواتین کی پرنسپل پروفیسر ڈاکٹر گل ناز ارشد، ڈائریکٹر سپورٹس ویمنز پشاور یونیورسٹی چمن گل، ہیڈ آف ڈیپارٹمنٹ سپورٹس گورنمنٹ کالج پشاور ارشد حسین, ڈائریکٹر سپورٹس شہید بے نظیر بھٹو یونیورسٹی مس ماریہ ثمین, احسن خان، ڈائریکٹر سپورٹس پشاور بورڈ منظر خان سمیت دیگر شخصیات موجود تھیں۔
چیمپئن شپ میں ملک بھر سے 14 یونیورسٹیوں کی ٹیمیوں نے شرکت کی جس میں میزبان پشاور یونیورسٹی کے علاوہ عبدالولی خان یونیورسٹی مردان, سپریئیر یونیورسٹی لاہور, یونیورسٹی آف ویٹرنری اینڈ اینمیل سائنسز لاہور, یونیورسٹی آف فیصل آباد, یونیورسٹی آف انجنیئرنگ اینڈ ٹیکنالوجی پشاور, یونیورسٹی آف مینجمنٹ اینڈ ٹیکنالوجی لاہور, یونیورسٹی آف لاہور, شہید بے نظیر بھٹو یونیورسٹی پشاور, لاہور کالج فار ویمن یونیورسٹی لاہور, یونیورسٹی آف پنجاب لاہور, گورنمنٹ کالج ویمن یونیورسٹی سیالکوٹ, گیریژن یونیورسٹی لاہور, گورمنٹ کالج یونیورسٹی لاہورشامل ہیں. جس کا فائنل لاہور کالج فار ویمن یونیورسٹی اور پنجاب یونیورسٹی کے مابین کھیلاگیا جس میں پنجاب یونیورسٹی نے 18-8 سکور سے کامیابی حاصل کی ۔تیسری پوزیشن سپریئیر یونیورسٹی لاہور نے حاصل کی جنہوں نے گورنمنٹ کالج ویمن یونیورسٹی سیالکوٹ کو 13-19 سے شکست دی۔ یہ مقابلے تین دن تک جاری رہے ۔
About the Author
