پشاور( سپورٹس رپورٹر) 35ویں نیشنل گیمز، خیبرپختونخوا مینز اور ویمنز اسکواش ٹیم کے 3 روزہ ٹرائلز مکمل ہوگئے ، ٹرائلز قیوم اسپورٹس کمپلیکس پشاور میں منعقد ہوئے جس میں کھلاڑیوں کی بڑی تعداد نے شرکت کی۔ سلیکشن کمیٹی میں صوبائی سکواش ایسوسی ایشن کے سیکرٹری منصور زمان اور ڈائریکٹوریٹ کے سینئر کوچ منور زمان شامل تھے۔ مینز ٹیم میں کوچ طاہر اقبال کے ساتھ فواد حسین، فہد شریف، عبید اللہ اور شہزاد شامل ہیں۔ خواتین کی ٹیم میں رانیہ قاضی، ماہنور علی، سحرش علی، اور علیشبا نیاز کے ساتھ کوچ زہرہ عبداللہ اور ٹیم منیجر اویس احمد شامل ہیں۔
About the Author
