پشاور (سپورٹس رپورٹر)35 ویں نیشنل گیمز کیلئے خیبرپختونخوا موئے تھائی میل اور فیمیل ٹیم کے ٹرائلز آج19 نومبرکوقیوم اسپورٹس کمپلیکس پشاورمیں منعقد ہوں گے۔ اس بات کا اعلان خیبرپختونخوا موئے تھائی ایسوسی ایشن کے جنرل سیکرٹری عنایت اللہ خان نے میڈیا سے گفتگو کرتے ہوئے کیا۔عنایت اللہ خان کے مطابق ٹرائلز خیبرپختونخوا موئے تھائی ایسوسی ایشن کے زیراہتمام منعقد کئے جائیں گے اور اس مقصد کیلئے میل اور فیمیل کھلاڑیوں کی سلیکشن کیلئے خصوصیسلیکشن کمیٹیاں تشکیل دے دی گئی ہیں۔ انہوں نے مزید کہا کہ ٹرائلز کا آغازصبح 9 بجے ِ مقررہوقت پر ہوگا، اس لئے تمام کھلاڑی اپنی بروقت حاضری کو یقینی بنائیں۔مردو کیویٹ کیٹیگریز:48kg, -51kg, -54kg, -57kg, -60kg, -63.5kg, -67kgجبکہ خواتین ویٹ کیٹیگریز48kg, -51kg, -54kgعنایت اللہ خان نے کہا کہ خیبرپختونخوا میں موئے تھائی کے حوالے سے ٹیلنٹ کی کمی نہیں، اور ان ٹرائلز کے ذریعے نیشنل گیمز کیلئے بہترین ٹیم تشکیل دی جائے گی۔ انہوں نے کھلاڑیوں پر زور دیا کہ وہ اپنی فارم، فٹنس اور ڈسپلن کے ساتھ ٹرائلز میں شرکت کریں۔
About the Author
