پشاور (سپورٹس رپورٹر) آر ایم آئی میڈیا کرکٹ لیگ میں کھیلے گئے متعدد میچوں کا فیصلہ ہوگیا، جن میں دفاعی چیمپیئن پی پی سی مارخور نے بہترین کارکردگی دکھاتے ہوئے دوسرے مرحلے کے لئے کوالیفائی کرلیا، جبکہ پی پی سی بلز، پی پی سی گلیڈیئٹرز اور پی پی سی کینگز نے بھی اپنے اپنے میچز میں کامیابی حاصل کرلی۔جمخانہ کرکٹ گراو ¿نڈ پشاور میں کھیلے گئے پہلے میچ میں پی پی سی مارخور نے پی پی سی پختون کو 43 رنز سے شکست دے کر کوارٹر فائنل تک رسائی حاصل کی۔
مارخور نے پہلے بیٹنگ کرتے ہوئے مقررہ اوورز میں دو وکٹوں کے نقصان پر 127 رنز بنائے، جن میں یاسر علی کے 46 اور اجمل کے 43 رنز شامل تھے۔ جواب میں پختون کی ٹیم 6 وکٹوں کے نقصان پر 84 رنز تک محدود رہی۔ سفیر نے 29 اور ناصر نے 27 رنز اسکور کیے۔ شہزاد رشید کو شاندار کارکردگی پر مین آف دی میچ قرار دیا گیا۔اسی روز دوسرا میچ پی پی سی فائٹرز اور پی پی سی بلز کے درمیان کھیلا گیا۔ بلز نے پہلے کھیلتے ہوئے چار وکٹوں کے نقصان پر 78 رنز بنائے، جس میں حسن علی کے 29 رنز نمایاں رہے اور انہیں مین آف دی میچ قرار دیا گیا۔ جواب میں فائٹرز کی ٹیم 53 رنز پر آو ¿ٹ ہوگئی۔تیسرے میچ میں پی پی سی گلیڈیئٹرز نے پی پی سی درویش کو 8 وکٹوں سے ہرایا۔ درویش نے پہلے کھیلتے ہوئے تین وکٹوں کے نقصان پر 78 رنز اسکور کیے، جس کا تعاقب گلیڈیئٹرز نے تین وکٹوں کے نقصان پر کامیابی سے مکمل کرلیا۔ احسان اللہ 27 رنز بنا کر میچ کے بہترین کھلاڑی قرار پائے۔دن کا آخری میچ پی پی سی سپائڈرز اور پی پی سی کینگز کے درمیان ہوا۔ سپائڈر نے پہلے بیٹنگ کرتے ہوئے تین وکٹوں کے نقصان پر 96 رنز بنائے۔ جواب میں کینگز نے مضبوط بیٹنگ کا مظاہرہ کرتے ہوئے مطلوبہ ہدف دو وکٹوں کے نقصان پر پورا کرلیا۔ کاشان نے 41 رنز کی فیصلہ کن اننگز کھیل کر مین آف دی میچ کا اعزاز حاصل کیا۔تمام میچز میں امپائرنگ کے فرائض عابد الرحمن، نفیس احمد اور ظہیر الدین بابر نے انجام دیے۔
About the Author
