ہانگ کانگ (سپورٹس رپورٹر) ہانگ کانگ سکسز2025ء کا ٹائٹل پاکستان نے جیت لیاپاکستان نے کویت کو 43رنز سے شکست دیدی۔قبل ازیں ہانگ کانگ سکسز کے فائنل میں پاکستان نے کویت کو جیت کیلیے 136ء رنز کا ہدف دیا تھا۔ کویت کی ٹیم 92 رنز بنا کر آوٹ ہو گئی۔ تفصیلات کے مطابق کویت نے ٹاس جیت کر پاکستان کو پہلے بیٹنگ کرنے کی دعوت دی تو پاکستان نے مقررہ 6 اوورز میں 3 وکٹوں کے نقصان پر 135 رنز بنائے۔کپتان عباس آفریدی 52 رنز بناکر ریٹائرڈ ہرٹ ہوئے۔ عبدالصمد 42، خواجہ نافع 22 اور شاہد عزیز بغیر کوئی رن بنائے آوٹ ہوئے۔
معاذ صداقت 10 اور محمد شہزاد 4 رنز بناکر ناٹ آؤٹ رہے۔ بیٹنگ کی طرح قومی بالرز نے بہترین باولنگ کا مظاہرہ کرتے ہوئے کویت کو آخری اوور میں 92 رنز پر ڈھیر کردیا۔ کویت کی جانب سے میت بھوسار 33 اور عدنان ادریس 30 رنز بناکر نمایاں رہے کپتان یاسین پٹیل نے 14 رنز کی اننگز کھیلی۔ پاکستان کی جانب سے معاذ صداقت نے 2 اوورز میں 29 رنز دے کر 3 کھلاڑیوں کو آوٹ کیا جب کہ عبدالصمد، عباس آفریدی اور محمد شہزاد نے ایک ایک وکٹ حاصل کی۔خیال رہے کہ پاکستان ٹیم نے سیمی فائنل میں آسٹریلیا کو سنسنی خیز مقابلے کے بعد ایک رن سے شکست دی تھی۔ کویت نے سیمی فائنل میں انگلینڈ کو 37 رنز سے شکست دے کر فائنل میں رسائی حاصل کی۔
About the Author
