پشاور(سپورٹس رپورٹر) ڈائریکٹوریٹ آف سپورٹس پشاور یونیورسٹی کے زیر اہتمام اور ایچ ای سی کے اشتراک سے انٹر یونیورسٹی مینز ایتھلیٹکس چیمپئن شپ 13 نومبر سے پشاور یونیورسٹی میں شروع ہورہی ہے جس کے لئے تیاریاں مکمل کر لی گئی ہیں اس سلسلے میں چیف آرگنائزر و ڈائریکٹر سپورٹس پشاور یونیورسٹی بحرکرم نے میڈیا سے بات چیت کرتے ہوئے کہا کہ تین روزہ مقابلوں میں چالیس سے زائد یونیورسٹیوں کے تین سو سے زائد کھلاڑی اور آفیشلز شرکت کررہے ہیں ان مقابلوں کے انعقاد میں وائس چانسلر پشاور یونیورسٹی پروفیسر ڈاکٹر جوہر علی کی بھرپور سپورٹ حاصل ہے اور ان کی دلچسپی کی بدولت یہ مقابلے منعقد کئے جارہے ہیں اس سلسلے میں ایچ ای سی کو خراج تحسین پیش کرتے ہیں کہ انہوں نے ایتھلیٹکس چیمپئن شپ کی میزبانی پشاور کو دی۔ پشاور میں بہترین طریقے سے یہ مقابلے منعقد کئے جائینگے۔ افتتاحی تقریب کے موقع پر وزیراعلیٰ خیبر پختونخوا سہیل آفریدی مہمان خصوصی ہوں گے جنہیں خصوصی طور پر ان مقابلوں کے افتتاح کے لئے دعوت دی گئی ہے ان کے ہمراہ دیگر صوبائی وزراء اور شخصیات بھی موجود ہوں گی مقابلوں میں میزبان پشاور یونیورسٹی کے علاوہ عبدالولی خان یونیورسٹی، مردان یونیورسٹی آف مینجمنٹ اینڈ ٹیکنالوجی، لاہور یونیورسٹی آف سینٹرل پنجاب، یونیورسٹی آف مینجمنٹ سائنسز لاہور،یونیورسٹی آف لاہور،یونیورسٹی آف ویٹرنری اینڈ اینمل سائنسز، لاہورپیر مہر علی شاہ ایریڈ ایگری کلچر یونیورسٹی راولپنڈی، پاک آسٹریا فچول انسٹی ٹیوٹ آف اپلائیڈ سائنسز، ہری پورفور مین کرسچن کالج، لاہوریونیورسٹی آف راولاکوٹ آزاد جموں کشمیر، اسراء یونیورسٹی حیدرآباد، یونیورسٹی آف ایگری کلچر فیصل آباد، گورنمنٹ کالج، یونیورسٹی فیصل آباد،یونیورسٹی آف سرگودھا، اقراء یونیورسٹی آف کراچی، یونیورسٹی آف پنجاب، لاہور سپیرئیر یونیورسٹی، لاہور کامسیٹس انسٹی ٹیوٹ آف انفارمیشن ٹیکنالوجی، اسلام آباد ہزارہ یونیورسٹی، مانسہرہ سیکاس یونیورسٹی آف آئی ٹی اینڈ ایمرجنگ سائنسز، پشاوریونیورسٹی آف انجینئرنگ اینڈ ٹیکنالوجی، پشاورایگری کلچر یونیورسٹی آف پشاور، اسلامیہ کالج یونیورسٹی پشاور، گومل یونیورسٹی ڈیرہ اسماعیل خان، یونیورسٹی آف کوہاٹ، بہاو الدین ذکریا یونیورسٹی ملتان، باچا خان یونیورسٹی چارسدہ کے علاوہ دیگر یونیورسٹیوں کے کھلاڑی شامل ہیں۔ ایونٹس کا آغاز 13 نومبر کو صبح دس بجے ہوگا جس میں تین ہزار میٹر ٹرپل جمپڈسکس تھرو چار سو میٹر ہرڈلز سو میٹر پندرہ سو میٹر ریس، شاٹ پٹ چار سو میٹر ہرڈلزچار ضرب سو میٹر ریلے چار ضرب چار سو میٹر ریلے پانچ ہزار میرٹلانگ جمپ چار سو میٹر اور سو میٹر ریس110 میٹر ہرڈلزہیمر تھرو اور آٹھ سو میٹر کے مقابلے ہوں گے بریک کے بعد پول والٹ چار سو میٹر ریس اور دو سو میٹر ریس کے مقابلے منعقد ہوں گے جبکہ تیسرے روز 15 نومبر کو صبح دس بجے دو سومیٹر ریس دس ہزار میٹر ریس ہائی جمپ110 میٹر ہرڈلزجیولن تھروچار ضرب سو میٹر ریلے اور چار ضرب چار سو میٹر کے فائنل مقابلے ہوں گے۔
About the Author
