پشاور(سپورٹس رپورٹر) خیبر پختونخوا سائیکلنگ ایسوسی ایشن نے 70ویں نیشنل ٹریک سائیکلنگ چمپئن شپ کیلئے خیبر پختونخوا کی ٹیم مرد و خواتین ٹیموں کا اعلان کر دیا ہے گزشتہ روز ٹیم کی سلیکشن کیلئے ٹرائلز ناردرن بائی پاس روڈ پشاور پر منعقد ہوئے جس میں سرمد شباب انٹرنیشنل کوچ ، صدر خیبرپختونخوا سائیکلنگ ایسوسی ایشن انجنیئرسید شایان علی، شاہ محمد علی سیکرٹری جنرل ، مراد علی سیکرٹری پشاور ڈویژن، سید طاہر شاہ اور چیئرمین سلیکشن کمیٹی نثار احمد نے ٹرائلز لئے اور بہترین کارکردگی دکھانے والے کھلاڑیوں پر مشتمل ٹیموں کا انتخاب کیا جس کے مطابق منتخب ہونیوالی مینز ٹیم میں ساجد علی خان، ہارون خان، عمر فاروق ثنا اللہ جونیئر سائیکلسٹ میں عبیداللہ اورسعد شامل ہیں جبکہ خواتین کی ٹیم میں منتخب ہونیوالی کھلاڑیوں میں نمرہ رانامہک جبکہ جونیئر کیٹیگری میں ثناء شامل ہیں ٹیم کے آفیشلز میں نازیہ خان اور محمد علی کا انتخاب کیا گیا ہے چیئرمین سلیکشن کمیٹی نثار احمد کے مطابق دونوں ٹیمیں پندرہ نومبر سے لاہور میں شروع ہونیوالی قومی سائیکلنگ چیمپئن شپ میں حصہ لے رہی ہیں جس کے لئے دونوں ٹیموں نے تیاری کا آغاز کررکھا ہے اور امید ہے کہ ہمارے کھلاڑی قومی مقابلوں میں بہترین کارکردگی کا مظاہرہ کریں گے۔
About the Author
