پشاور(سپورٹس رپورٹر) انٹر ڈگری کالجز رسہ کشی مقابلوں کا اختتام ہو گیا جس میں گورنمنٹ کالج پشاور کی ٹیم نے شاندار کارکردگی کا مظاہرہ کرتے ہوئے ٹرافی اپنے نام کر لی۔ فائنل مقابلے میں گورنمنٹ کالج پشاور کی ٹیم نے سنسنی خیز مقابلے کے بعد گورنمنٹ ڈگری کالج سپیرئیر سائنس کالج کو تین صفر سے واضح شکست دی۔ اختتامی تقریب میں صدر صوبائی رسہ کشی ایسوسی ایشن سید اصغر علی شاہ نے بحیثیت مہمان خصوصی شرکت کی اور کھلاڑیوں میں ٹرافیاں اور انعامات تقسیم کیے۔ اس موقع پر ان کے ہمراہ ایچ پی ڈیپارٹمنٹ کے سربراہ ارشید حسین، ڈی پی ای ظفر اقبال، لیکچرار فہد کمال، ناصر علی اور صوبائی رسہ کشی ایسوسی ایشن کے چیئرمین تاج محمد بھی موجود تھے۔ گورنمنٹ ڈگری کالج پشاور نے حیات آباد ڈگری کالج کو تین صفر سے شکست دے کر فائنل کے لیے کوالیفائی کیا تھا۔ دوسرے سیمی فائنل میں گورنمنٹ ڈگری کالج سپیرئیر سائنس کالج پشاور نے گورنمنٹ ڈگری کالج بڈھ بیر کو دو ایک سے ہرا کر فائنل کھیلنے کا اعزاز حاصل کیا۔
About the Author
