پشاور (سپورٹس رپورٹر) اسلامیہ کالج پشاور کے ڈائریکٹر سپورٹس علی ہوتی نے گزشتہ روز صوبائی مشیر برائے کھیل و امور نوجوانان تاج محمد خان ترند سے ملاقات کی جس میں انہوں نے انہیں منصب سنبھالنے پر انہیں مبارکباد پیش کے ڈائریکٹر سپورٹس اسلامیہ کالج پشاور علی ہوتی نے ملاقات کے بعد میڈیا سے بات چیت کرتے ہوئے کہا کہ ان کی مشیر برائے کھیل و امور نوجوانان تاج محمد خان ترند سے ملاقات ہوئی جس میں انہوں نے انہیں اسلامیہ کالج پشاور میں ہونیوالے کھیلوں کے مقابلوں اور کھیلوں کی سہولتوں کے بارے میں آگاہ کیا اور انہیں اسلامیہ کالج پشاور کے دورے کی دعوت بھی دی جو انہوں نے قبول کرتے ہوئے کہا کہ پشاور کی تاریخی درسگاہ نے ملک کے لئے عظیم لوگ پیدا کئے جنہوں نے پوری دنیا میں ملک وقوم کا نام روشن کیا اور وہ جلد ہی اسلامیہ کالج پشاور کا دورہ کریں گے انہوں نے اسلامیہ کالج پشاور کے تحت ہونیوالے کھیلوں کے مقابلوں کو بھی سراہا اور امید ظاہر کی کہ ماضی کی طرح اب بھی اسلامیہ کالج پشاور مزید انٹرنیشنل کھلاڑی پیدا کرے گا ۔ڈائریکٹر سپورٹس اسلامیہ کالج پشاور علی ہوتی نے انہیں وائس چانسلر پروفیسر ڈاکٹر احمد الرحمان سلجوقی کی کھیلوں میں بھرپور دلچسپی اور سپورٹ سے بھی آگاہ کیا اور کہا کہ وائس چانسلر کی انہیں اس سلسلے میں بھرپور سپورٹ حاصل ہے جس سے کھیلوں کے فروغ و ترقی میں بھرپور مدد مل رہی ہے ۔
About the Author
