پشاور (سپورٹس رپورٹر) خیبر پختونخوا سنوکر ایسوسی ایشن کے زیر اہتمام 37 ویں خیبر پختونخوا سنوکر چیمپئن شپ کا شاندار آغاز ہو گیا، ابرار اور ڈاکٹر عبداللہ نے افتتاح کیا۔ اس موقع پرخیبر پختونخوا اولمپک ایسوسی ایشن کے جنرل سیکرٹری اور صوبائی سنوکر ایسوسی ایشن کے صدر ذوالفقار بٹ سمیت دیگراہم شخصیات موجود تھیں ۔

چیمپئن شپ میں خیبر پختونخوا اور آزاد جموںوکشمیر کے کھلاڑی حصہ لے رہے ہیں جن میں ٹاپ 6 کھلاڑی قومی چیمپئن شپ میں صوبے کی نمائندگی کریں گے۔

پہلے راﺅنڈ میں پشاور کے مدثر نے سوات کے عزیز کو تین صفر، صوابی کے عطاء نے پشاور کے شاہ رخ کو تین دو، ہزارہ کے ولید ستی نے آزاد جموںکشمیر کے کاشان علی کو تین دو، پشاور کے شاہ خان نے ڈیرہ اسماعیل خان کے ذوالقرنین کو تین دو، سعود خان نے سوات کے بلال کو تین ایک جبکہ آزاد جموں وکشمیر کے آکاش رفیق نے پشاور کے ملک اسد کو تین صفر سے ہرایا۔

www:sportslinehd.com