پشاور(سپورٹس رپورٹر) اسلامیہ کالج پشاور میں ٹیچنگ سٹاف ایسوسی ایشن افتتاحی تقریب کے مہمانِ خصوصی وائس چانسلر اسلامیہ کالج پشاور پروفیسر ڈاکٹر احمد الرحمن سلجوقی تھے جنہوں نے ایونٹ کا باقاعدہ افتتاح کیا۔تقریب کے آغاز میں صدر ٹی ایس اے ڈاکٹر دلنواز خان اور نائب صدر پروفیسر ڈاکٹر محمد عادل نے وائس چانسلر کو خوش آمدید کہا اور گلدستہ پیش کیا۔افتتاحی تقریب کے بعد وائس چانسلر نے مین کرکٹ گرائونڈ میں مرد اساتذہ کے مقابلوں اور شعبہ نفسیات میں خواتین سٹاف ممبران کے ایونٹس کا آغاز کیا۔
اساتذہ کرام نے بڑی تعداد میں شرکت کی اور ایونٹس میں بھرپور جوش و خروش کا مظاہرہ کیا۔گزشتہ روز ہونے والے دلچسپ مقابلوں میں سائنس فیکلٹی اور آرٹس فیکلٹی کے درمیان کرکٹ، ٹگ آف وار اور فٹسال کے سنسنی خیز میچز شامل تھے۔ ایونٹس کے اگلے مرحلے میں 45 سال سے کم عمر اساتذہ کے لیے 400میٹر ریس اور 45سال سے زائد عمر کے لیے 100 میٹر ریس کا انعقاد کیا جائے گا۔وائس چانسلر پروفیسر ڈاکٹر احمد الرحمن سلجوقی نے اس موقع پر کہا کہ “طلبہ اپنے اساتذہ کرام کو میدان میں کھیلتے دیکھ کر بے حد خوش ہیں_
ایسے سپورٹس ایونٹس نہ صرف جسمانی صحت کے لیے مفید ہیں بلکہ تدریسی ماحول میں توانائی اور باہمی ہم آہنگی بھی پیدا کرتے ہیں۔”انہوں نے مزید کہا کہ اس طرح کی سرگرمیاں تعلیمی اداروں میں مثبت توانائی کا باعث بنتی ہیں۔ آخر میں وائس چانسلر نے ڈائریکٹر سپورٹس علی ہوتی اور ان کی ٹیم کی کاوشوں کو سراہا۔
About the Author
