پشاور (سپورٹس رپورٹر) ریجنل سپورٹس آفس پشاور ڈویژن میں آج ایک اہم میٹنگ منعقد ہوا جس میں ریجنل سپورٹس افسر پشاور ڈویژن کاشف فرحان اور سیکریٹری سپورٹس کمیٹی انٹر ہائی اینڈ ہائر سیکنڈری سکولز پشاور نوید اختر کے درمیان آنے والے سکولز گیمز کے حوالے سے تفصیلی بات چیت ہوئی۔ میٹنگ میں ٹورنامنٹ کے انتظامات، شیڈول، سہولیات اور دیگر اہم امور پر غور کیا گیا۔ اس موقع پر ریجنل سپورٹس افسر کاشف فرحان نے کہا کہ ڈائریکٹر جنرل سپورٹس خیبر پختونخواہ تاشفین خیدر کی رہنمائی میں محکمہ سپورٹس اس ٹورنامنٹ کو کامیاب بنانے کے لیے ہر ممکن تعاون فراہم کرے گا۔ انہوں نے یقین دلایا کہ نہ صرف محکمہ اپنے گراو نڈز مہیا کرے گا بلکہ کھلاڑیوں کی تربیت و رہنمائی کے لیے کوچز کی خدمات بھی فراہم کی جائیں گی۔میٹنگ میں چیف کوچ خیبر پختونخواہ شفقت اللہ، سینئر کوچ سکواش طاہر اقبال اور ڈپٹی سیکریٹری سپورٹس کمیٹی خورشیداقبال نے بھی شرکت کی اور مختلف تجاویز پیش کر کے ٹورنامنٹ کے کامیاب انعقاد میں اپنا کردار ادا کرنے کا عزم ظاہر کیا۔یہ ٹورنامنٹ زون، ریجن اور صوبائی سطح پر پشاور میں منعقد کیا جائے گا جس کا مقصد اسکول سطح پر کھیلوں کو فروغ دینا اور نوجوان کھلاڑیوں کے لیے مواقع فراہم کرنا ہے۔
About the Author
