کولمبو: سری لنکا میں جاری 134ویں سری لنکن ایمیچور گالف چیمپئن شپ کے کوارٹرفائنل میں پاکستانی گالفر سعد حبیب نے شاندار کھیل پیش کیا۔ پاکستانی گالفر سعد حبیب بھارتی گالفر ویویان ابھایاکر کو آوٹ کلاس کرکے سیمی فائنل میں پہنچ گئے۔ سولہویں ہول پر چار اسٹروک کی برتری کے ساتھ نوجوان پاکستانی گالفر نے کامیابی اپنے نام کی۔ میچ کے دوران سعد حبیب نے بھرپور کھیل پیش کیا، جس میں ساتویں ہول پر ایک شاندار ایگل اور اس کے علاوہ چار برڈیز بھی اسکور کئے۔
کوارٹر فائنل میں سعد حبیب نے 5 برڈیز بھی سکور کیں۔ فائنل میں اب سعد حبیب کا مقابلہ سری لنکا کے گالفر چناکا پریرا سے ہوگا اور یہ مقابلہ 36 ہولز پر مشتمل ہوگا۔ جبکہ پاکستان کے دوسرے پلیئر نعمان الیاس کو سری لنکا کے ریشان الگاما نے شکست دے دی۔
About the Author
