سیلاب زدگان کی امداد کے لیے پشاور زلمی الیون اور لیجنڈز الیون کے درمیان دلچسپ میچ
آئندہ پی ایس ایل میں اس سٹیڈیم میں بھی شیڈول میچز کھیلے جائیں گے، سید فخر جہاں صوبائی وزیر کھیل
ہمایون خان
پشاور: پشاور کے سابقہ ارباب نیاز کرکٹ سٹیڈیم جو اب عمران خان کرکٹ سٹیڈیم سے جانا جاتا ہے عمران خان کرکٹ سٹیڈیم میں حال ہی میں تزیین و تعمیر کے بعد تماشائیوں کی گنجائش میں بھی اضافہ کیا گیا ہے۔
گذشتہ روز خیبرپختونخوا میں سیلاب متاثرین کی بحالی کیلئے ڈائریکٹوریٹ جنرل آف سپورٹس خیبرپختونخوا کے زیر اہتمام عمران خان کرکٹ سٹیڈیم پشاور میں “کھیل سے خدمت” کے نام سے پشاور زلمی اور لیجنڈز الیون کے درمیان دوستانہ چیریٹی کرکٹ میچ گذشتہ روز کھیلا گیا۔ میچ کے دوران سٹیڈیم تماشائیوں سے کھچا کھچ بھرا رہا جس میں عورتوں اور بچوں نے بھی بھرپور شرکت کی۔
پشاور میں ہونے والے میچ میں پختون قوم نے بھرپور انداز میں شرکت کرکے یہ ثابت کیا کہ وہ نہ صرف کھیل سے محبت کرنے والی قوم ہے۔ پختون عوام نے جوش و خروش کے ساتھ اس میچ کو ایک یادگار دن بنا دیا، جہاں ہر طرف محبت، یکجہتی اور کھیل کے لیے جذبہ نظر آیا۔ یہ منظر دنیا کو یہ پیغام دیتا ہے کہ پختون قوم امن پسند، مہمان نواز اور کھیل کو فروغ دینے والی قوم ہے جو ہر موقع پر اپنی تہذیب اور ثقافت کے خوبصورت رنگ بکھیرتی ہے۔ نوجوانوں میں بابر اعظم کی مقبولیت اتنی انتہا کو تھی کہ کچھ نوجوانوں نے جنگلہ پھلانگ کرکے ان سے ہر حال میں ملنے کی کوشش کی۔میچ کی دلچسپ بات اس وقت سامنے آئی جب بابر اعظم کا ننھا فین سخت سیکیورٹی کے باوجود جنگلے کو کراس کرکے بابر اعظم کے پاس پہنچ گیا بابر اعظم کے سب سے زیادہ فین پشاور میں ہے لوگوں کی ایک بڑی تعداد آج اپنے پسندیدہ کرکٹر بابر اعظم کی ایک جھلک دیکھنے آئے ہے۔
اس دوران سی ای او پاکستان سپر لیگ سلمان نصیر نے خصوصی طور پر شرکت کی اس موقع پر صوبائی وزیر کھیل و امور نوجوانان سید فخر جہان،کمشنر پشاور ریاض محسود سمیت صوبائی وزرا اور دیگر اہم شخصیات بھی موجود تھے۔بارش کے بعد گراو نڈ مینز نے سخت محنت اور لگن سے میدان کھیل کے قابل بنایا تو لیجنڈز الیون کے کپتان انضمام الحق نے ٹاس جیت کر بابر اعظم کی پشاور زلمی الیون کو بیٹنگ کی دعوت دی۔ زلمی الیون نے پہلے بیٹنگ کرتے ہوئے ایک سو پینتالیس رنز بنائے۔ جس میں بابر اعظم نے 41 اور یاسر حمید نے 35 رنز کی شاندار اننگز کھیلی،لیجنڈز الیون کی جانب سے شاہد آفریدی اور عبدالرحمان نے تین تین جبکہ سعید اجمل اور محمد حفیظ نے دو دو کھلاڑیوں کو پویلین کی راہ دکھائی، اس کے جواب میں لیجنڈز الیون کی ٹیم نے مقررہ اوورز میں 137 رنز بنائے جس میں انضمام الحق کی 47 رنز کیساتھ ناٹ آو ٹ اور ہمایوں کی 27 رنز کی شاندار اننگز شامل تھی زلمی الیون کی جانب سے محمد عرفان اور بابر اعظم نے دو دو جبکہ اذان آفریدی اور ذوالفقار بابر نے ایک ایک وکٹ حاصل کرلی۔
میچ میں سیکورٹی کی سخت انتظامات کئے گئے تھے۔19 سال بعد عمران کرکٹ سٹیڈیم کی روکنیں بحال ہوئی جس کے باعث پشاورکے عوام نے بھر پور انداز میں سیلاب زدگان کے لئے منعقدہ میچ میں شرکت کی میچ کے دوران پشاور زلمی کی جانب سے تماشائیوں میں شرٹس ،کپ اور جھنڈے بھی تقسیم کئے گئے۔پی سی ایل کے سی او او سلمان نصیر، صوبائی وزیر کھیل سید فخر جہاں اور دیگر صوبائی وزرا اور معززین شہر اور عوام کی بڑی تعداد نے میچ دیکھا پشاور زلمی کے چیئرمین جاوید آفریدی نے کہا کہ وہ کے پی حکومت ، کرکٹ سپر اسٹارز ، لیجنڈز ، کرکٹ فینز کا تہہ دل سے شکریہ ادا کرتے ہیں جن کی بدولت یہ میچ کامیابی سے ہمکنار ہوامیچ کے اختتام پر وزیر کھیل سید فخرجہان نے اظہار خیال کرتے ہوئے کہا کہ آج کا دن انتہائی اہمیت کا حامل ہے کیونکہ سیلاب سے متاثرہ بھائیوں اور بہنوں سے یکجہتی اور بحالی کیلئے ایک کامیاب کوشش کی گئی۔انھوں نے کہا کہ اس قومی مقصد میں پشاور اور اس پاس کے شہریوں نے بڑھ چڑھ کر حصہ لیا۔ انھوں نے کہا کہ اس اہم کاوش میں ڈائریکٹوریٹ جنرل آف سپورٹس اور پشاور زلمی نے سیلاب زدگان سے یکجہتی کا مظاہرہ کرکے کھیل سے خدمت کی یہ منفرد اور ایم سرگرمی سر انجام دی اور اس میں اپنے حصے کی خدمت کا حصہ ڈالا جو انتہائی خوش آئیند ہے۔انھوں نے کہا کہ 19 سال بعد یہاں پر کھیل کا میدان سج کر شائقین کا جذبہ دیدنی تھا اور انشاللہ آئندہ کیلئے بھی یہ سٹیڈیم آباد رہے گا۔صوبائی وزیر نے مزید کہا کہ میچ کے دوران پی ایس ایل کے چیف ایگزیکٹو آفیسر سلمان نصیر سے خوشگوار ملاقات ہوئی اور انشاللہ آئندہ پی ایس ایل میں اس سٹیڈیم میں بھی شیڈول میچز کھیلے جائیں گے۔واضح رہے کہ مذکورہ کرکٹ میچ سے حاصل ہونے والی رقم سیلاب زدگان کی بحالی پر خرچ کی جائے گی جس کے لئیے صوبائی وزیر کھیل کی کوششوں سے ڈائریکٹوریٹ جنرل آف سپورٹس نے پشاور زلمی کے باہمی تعاون سے یہ اہم قدم اٹھا یا۔
About the Author
