نثارآحمد
کوئٹہ: ساؤتھ ایشین ریجنل بیڈمنٹن چیمپئن شپ میں سلور میڈل جیتنے والی قومی بیڈمنٹن کھلاڑی ثروت فاطمہ کوئٹہ پہنچ گئیں۔ ایئرپورٹ پر ان کا استقبال سیکرٹری کھیل بلوچستان دُرا بلوچ اور ڈائریکٹر جنرل کھیل یاسر بازئی نے کیا۔ اس موقع پر انہیں پھولوں کے ہار پہنائے گئے اور گلدستہ پیش کرتے ہوئے مبارکباد دی گئی۔
سیکرٹری کھیل اور ڈی جی اسپورٹس نے کہا کہ ثروت فاطمہ نے ایک بار پھر انٹرنیشنل سطح پر میڈل جیت کر نہ صرف صوبے بلکہ ملک کا نام بھی روشن کیا ہے۔ وہ ہمارے صوبے اور ملک کا فخر ہیں، اور مستقبل میں بھی ہماری مکمل سپورٹ ان کے ساتھ ہوگی۔استقبالیہ تقریب میں اسسٹنٹ ڈائریکٹر ایڈمن محیب الرحمن، بلوچستان والی بال ایسوسی ایشن کے صدر بلال اشرف، اور بلوچستان ہاکی ایسوسی ایشن کے فنانس سیکرٹری شرافت بٹ بھی شریک تھے۔ایئرپورٹ پر ثروت فاطمہ کے اہل خانہ، والدین اور بہن بھائیوں نے بھی ان کا پرتپاک استقبال کیا۔
About the Author
