عاصم شیراز
پشاور: اسلام آباد لیکروس ایسوسی ایشن کے زیراہتمام لیکروس کلینک اور تربیتی کیمپ کا شاندارانعقاد کیاگیا جس میں چالیس سے زائد کھلاڑیوں نے شرکت کی جس کا مقصد وفاقی دارالحکومت میں اس کھیل کو فروغ دینا ہے۔ تقریب کے مہمانِ خصوصی راولپنڈی اسلام آباد اسپورٹس جرنلسٹس ایسوسی ایشن (RISJA) کے سیکریٹری جنرل عارف محمود تھے جنہوں نے کھلاڑیوں میں انعامات، شیلڈز اور سرٹیفکیٹس تقسیم کیے اور کھیل کے فروغ میں ان کی دلچسپی اور محنت کو سراہا۔اس موقع پر سرمد شباب ڈائریکٹر ٹیکنیکل اور طیفور زرین سیکریٹری پاکستان لیکروس فیڈریشن بھی موجود تھے جنہوں نے کھلاڑیوں کوپاسنگ، کیچنگ، کرڈلنگ، شوٹنگ، دفاعی حکمت عملی اور کھیل کے قوانین جیسے بنیادی اسکلزپر بریفنگ دی کلینک اور تربیتی کیمپ کے انعقاد میں مس چمن مشتاق، کوآرڈینیٹر اسلام آباد لیکروس ایسوسی ایشن، اور شفقت نیازی، اسپورٹس آفیسر پنجاب اسپورٹس ڈیپارٹمنٹ نے اہم کردار ادا کیا۔
اس موقع پر بین الاقوامی کرکٹر جناب ارشد بھٹی نے بھی شرکت کی اور پاکستان میں مختلف کھیلوں کے فروغ کی حمایت کا اظہار کیا۔مہمانِ خصوصی عارف محمود نے پاکستان لیکروس فیڈریشن اور اسلام آباد لیکروس ایسوسی ایشن کی کوششوں کو سراہتے ہوئے کہا کہ اس تیز رفتار اور دلچسپ کھیل کو نوجوانوں میں متعارف کرانا ایک مثبت قدم ہے اور اس قسم کے گراس روٹس پروگرامز کو جاری رکھنا چاہیے۔نواز شریف پارک میں جاری تربیتی کیمپ ایک ماہ تک جاری رہے گا، جس میں کھلاڑیوں کو باقاعدہ مشق، مہارت میں اضافہ اور میچ کھیلنے کے مواقع فراہم کیے جائیں گے۔
About the Author
