عاصم شیراز
پشاور:خیبرپختونخوا لیکروس ایسوسی ایشن کے زیراہتمام قیوم سپورٹس کمپلیکس پشاورمیں لیکروس ٹریننگ کیمپ اختتام پذیر ہوگئی کیمپ ڈسٹرکٹ پشاور سے تعلق رکھنے والے کھلاڑیوں نے کثیر تعداد میں شرکت کی ، اختتامی تقریب کے موقع پر ڈائریکٹرجنرل سپورٹس خیبرپختونخوا تاشفین حیدر مہمان خصوصی تھے جنہوں نے شرکاءمیں سرٹیفکیٹس تقسیم کئے ان کے ہمراہ ڈائریکٹر آپریشن سپورٹس جمشید بلوچ،ڈائریکٹر سپورٹس ضم اضلاع رضی اﷲ ،ایڈمنسٹریٹر یوسف آفریدی ، پاکستان لیکروس فیڈریشن کے سیکرٹری انجینئر طیفور زرین سمیت دیگر اہم شخصیات موجود تھیں ۔
ٹریننگ کیمپ میں کوالیفائیڈ کوچز نے کھلاڑیوں کو مختلف مہارتیں سکھائیں جن میں کھیلنے کی تکنیک، پاسنگ، شوٹنگ، کیچنگ اور دفاعی طریقے شامل تھے۔ خیبرپختونخوا اور ضم شدہ علاقوں سے تعلق رکھنے والے مرد و خواتین کھلاڑیوں نے بھرپور دلچسپی کے ساتھ شرکت کی۔ورکشاپ کے اختتام پر معزز مہمانوں نے شرکاءمیں یادگاری شیلڈز، اسناد اور انعامات تقسیم کیے۔
اس موقع پر مہمانِ خصوصی تاشفین حیدر نے کہا نوجوانوں کے لیے نئے کھیلوں کی ترویج وقت کی ضرورت ہے۔ ہم صدر خیبرپختونخوا لیکروس ایسوسی ایشن سید سالار جہان کی ان مثبت کوششوں کو سراہتے ہیں۔ جن کی کوششوں سے صوبے کے تمام ریجنز میں لیکروس ٹریننگ کیمپس بھرپور انداز سے جاری ہے
یہ ورکشاپ خیبرپختونخوا میں لیکروس کے فروغ کے لیے ایک اہم سنگِ میل ہے اور پاکستان لیکروس فیڈریشن اور اس کے صوبائی یونٹس کی طرف سے کھیل کو جڑوں تک لے جانے کی ایک مو ¿ثر کاوش ہے۔
About the Author
