پشاور: پاکستان ٹیبل ٹینس فیڈریشن کے زیراہتمام ہوپ پروگرام کے تحت آل پاکستان انڈر12 جونیئر ٹیبل ٹینس ٹریننگ کیمپ اور انڈر15 ماسٹر ٹیبل ٹینس کپ کے مقابلے پشاور سپورٹس کمپلیکس پشاورمیں شروع ہوگئے جس میں ملک بھر سے میل وفمیل کھلاڑی شرکت کررہے ہیں۔ ایونٹ کا باضابطہ افتتاح ڈائریکٹرجنرل سپورٹس خیبرپختونخوا تاشفین حیدرنے کیاان کے ہمراہ منیجنگ ڈائریکٹر پرائیویٹ سکولز افتخار احمد، ڈائریکٹر آپریشن جمشید بلوچ، ڈائریکٹر ڈویلپمنٹ منیر عباس، ریجنل سپورٹس آفیسر کاشف فرحان، اسسٹنٹ ڈائریکٹر اکاؤنٹس شاہ فیصل، خیبرپختونخوا ٹیبل ٹینس ایسوسی ایشن کے سینئرنائب صدر کفایت اللہ،ہوپ پروگرام کے ہیڈ کوچ ابصار علی سمیت دیگراہم شخصیات نے شرکت کی ۔
خیبر پختونخوا ٹیبل ٹینس ایسوسی ایشن اور پاکستان ٹیبل ٹینس فیڈریشن کے زیر اہتمام ڈائریکٹوریٹ جنرل سپورٹس خیبر پختونخوا کے تعاون سے پی ٹی ٹی ایف ہوپز پروگرام میں پاکستان بھر سے صوبوں اور محکموں کی ٹیمیں شرکت کررہے ہیں۔ ہوپ پروگرام کے تحت پہلے مرحلے میں کھلاڑیوں کو کوالیفائیڈ کوچز کے زیرنگرانی تین دن تک ٹریننگ دی جائیگی جبکہ آخر میں مقابلے منعقد ہونگے جس کے فاتح کھلاڑی ایشین ہوپ پروگرام میں پاکستان کی نمائندگی کرینگے۔ اس کے ساتھ انڈر15 ماسٹر کپ ٹیبل ٹینس مقابلے بھی منعقد ہونگے جس میں پاکستان کے ٹاپ رینکنگ میل وفیمیل کھلاڑی شریک ہونگے۔
About the Author
